WhatsAppలో AI చాట్‌బాట్స్‌కి యాక్సెస్ ఎందుకు ఆపేశారు? మెటా రహస్య నిర్ణయం బయటపడింది!

Meta సంస్థ తన ప్రముఖ మెసేజింగ్‌ యాప్‌ WhatsAppలో పెద్ద మార్పు చేస్తోంది. ఇకపై AI కంపెనీలు తమ చాట్‌బాట్స్‌ను WhatsApp Business API ద్వారా అందించలేవు. ఈ కొత్త పాలసీ 2026 జనవరి 15 నుంచి అమల్లోకి రానుంది.ఇది సాధారణ AI ఆధారిత కస్టమర్ సపోర్ట్ టూల్స్‌ ఉపయోగించే సంస్థలను ప్రభావితం చేయదు. అయితే, చాట్‌బాట్ సేవలు లేదా పెద్ద భాషా మోడల్స్ (LLMs) అందించే కంపెనీలు WhatsApp డేటాను ఉపయోగించి తమ AI మోడల్స్‌కి శిక్షణ ఇవ్వడం లేదా అభివృద్ధి చేయడం నిషేధం.Meta ప్రకారం, ఈ నిర్ణయం ద్వారా WhatsApp‌ను వ్యాపార సంబంధాల కోసం మాత్రమే ఉపయోగించాలని ఉద్దేశం. నిబంధనలు ఉల్లంఘిస్తే, Meta కంపెనీ ఆ బిజినెస్‌ అకౌంట్‌ను రద్దు చేసే హక్కు కలిగి ఉంది.

ప్రస్తుతం OpenAI మరియు Perplexity వంటి సంస్థలు WhatsApp ద్వారా చాట్‌బాట్స్‌ను అందిస్తున్నాయి. కానీ ఈ కొత్త నియమం తర్వాత వాటి యాక్సెస్ నిలిపివేయబడే అవకాశం ఉంది.నిపుణుల ప్రకారం, WhatsAppలో పెరిగిన AI చాట్‌బాట్ సందేశాల వలన Meta సర్వర్లు భారీ ఒత్తిడికి లోనయ్యాయి, అందుకే ఈ మార్పు తెచ్చిందని తెలుస్తోంది. అదే సమయంలో, Meta AI అనే తమ స్వంత అసిస్టెంట్‌ను ప్రోత్సహించడమే కూడా దీని వెనుక కారణం కావచ్చు.