సినిమాలు
ఇన్స్టాగ్రామ్ ఉపయోగించే వారికి మెటా సంస్థ కీలక మార్పులు తీసుకొచ్చింది. కంటెంట్ నాణ్యతను మెరుగుపరచడమే లక్ష్యంగా హ్యాష్ట్యాగ్ల వినియోగంపై కొత్త నిబంధనలు అమలులోకి తెచ్చింది. ఇకపై ఇన్స్టాగ్రామ్లో పోస్ట్ లేదా రీల్ అప్లోడ్ చేసే సమయంలో హ్యాష్ట్యాగ్ల సంఖ్యకు పరిమితి విధించనుంది.
కొత్త నిబంధనల ప్రకారం, ఒక పోస్ట్ లేదా రీల్కు గరిష్టంగా ఐదు హ్యాష్ట్యాగ్లు మాత్రమే ఉపయోగించాలని ఇన్స్టాగ్రామ్ సూచించింది. ఈ మార్పును సంస్థ అధికారికంగా ప్రకటించింది. గతంలో ఒకే పోస్టుకు 30 వరకు హ్యాష్ట్యాగ్లు ఉపయోగించే అవకాశం ఉండగా, ఇప్పుడు ఆ వెసులుబాటును తగ్గించింది.
అలాగే, సాధారణంగా ఉపయోగించే హ్యాష్ట్యాగ్లకంటే కంటెంట్కు సంబంధించిన టార్గెటెడ్ హ్యాష్ట్యాగ్లు వాడితేనే మంచి ఫలితాలు వస్తాయని ఇన్స్టాగ్రామ్ స్పష్టం చేసింది. అనవసరమైన లేదా సంబంధం లేని హ్యాష్ట్యాగ్లను వాడకుండా, కంటెంట్కు నేరుగా సంబంధించిన వాటినే ఎంపిక చేసుకోవాలని సూచించింది.
ఇన్స్టాగ్రామ్లో హ్యాష్ట్యాగ్లను 2011లో ప్రవేశపెట్టారు. అప్పటి నుంచి కంటెంట్ క్రియేటర్లు ఎక్కువ సంఖ్యలో హ్యాష్ట్యాగ్లు వాడుతూ వస్తున్నారు. అయితే ఇప్పుడు ఈ అలవాటుకు చెక్ పెడుతూ, పరిమిత వినియోగంతో నాణ్యమైన కంటెంట్ను ప్రోత్సహించాలనే దిశగా ఇన్స్టాగ్రామ్ అడుగులు వేస్తోంది.
కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!