టెక్నాలజీ
Google DeepMind తాజాగా SIMA 2 అనే కొత్త AI ఏజెంట్ను విడుదల చేసింది. ఇది 2024లో వచ్చిన SIMA మోడల్కు అప్గ్రేడ్ వెర్షన్. Gemini మోడళ్ల శక్తిని ఉపయోగించి, ఈ కొత్త వెర్షన్ ఇప్పుడు తన చర్యల్ని గమనించి, వాటిని విశ్లేషించి, తగిన నిర్ణయాలు తీసుకునే సామర్థ్యాన్ని పొందింది. అవసరమైతే వినియోగదారులతో టెక్స్ట్ ద్వారా కూడా మాట్లాడగలదు.
SIMA 2 ప్రధానంగా 3D ఓపెన్–వరల్డ్ వీడియో గేమ్స్ ఆడటానికి రూపొందించబడింది. అయితే ఇందులో చేసిన మార్పులతో ఇది మునుపటి కంటే వేగంగా నేర్చుకుంటుంది, కొత్త గేమ్స్ కి కూడా సులభంగా అలవాటు పడుతుంది.
గేమ్ స్క్రీన్లో కనిపించే దృశ్యాలు మరియు వినియోగదారు ఇచ్చే లక్ష్యాన్ని ఇది మొదట అర్థం చేసుకుంటుంది. తరువాత ఆ లక్ష్యాన్ని చేరేందుకు కావాల్సిన మధ్యంతర చర్యలను ప్లాన్ చేసి, కీబోర్డు మరియు మౌస్ ఇన్పుట్ల రూపంలో అమలు చేస్తుంది. “షెల్టర్ కట్టు”, “ఎరుపు ఇల్లు కనుగొను” లాంటి కమాండ్స్ ఇచ్చినా వెంటనే పనిచేస్తుంది.
అత్యంత పెద్ద అప్గ్రేడ్ ఏంటంటే ఇది ట్రైనింగ్ చేయని కొత్త గేమ్స్లో కూడా పని చేయగలగడం. ఉదాహరణకు Minedojo, ASKA వంటి కొత్త గేమ్స్లో SIMA 2 పూర్వ మోడల్ కంటే మెరుగ్గా ప్రదర్శించింది.
అదనంగా ఇది మల్టిమోడల్ ఇన్పుట్లను ఎమోజీలు, స్కెచ్లు, వేర్వేరు భాషలు అర్థం చేసుకోగలదు. ఒక గేమ్లో నేర్చుకున్న “మైనింగ్” స్కిల్ను, మరో గేమ్లోని “హార్వెస్టింగ్” పనికి అన్వయించగలగడం కూడా ఇందులోని ప్రత్యేకత.
ట్రైనింగ్ విషయానికి వస్తే, ఇది మానవులిచ్చే డేటాతో పాటు Gemini ఆటోమేటిక్ అనోటేషన్ను కూడా ఉపయోగిస్తుంది. కొత్త స్కిల్స్ నేర్చుకున్నప్పుడు ఆ డేటాను తిరిగి మోడల్ ట్రైనింగ్లో జోడిస్తారు. దీనివల్ల మానవులు లేబుల్ చేసే డేటాపై ఆధారపడాల్సిన అవసరం తగ్గుతుంది.
ఇప్పటికీ కొన్ని పరిమితులున్నాయి పాత ఇంటరాక్షన్లను గుర్తుంచుకోవడం పరిమితంగా ఉంటుంది, చాలా పొడవైన ప్లానింగ్ చేయడం కష్టం, రోబోట్ల తరహా నాజూకైన కదలికలను ఇది ఇంకా హాండిల్ చేయదు.
DeepMind మాటల్లో, SIMA 2 గేమింగ్ కోసం కాకుండా భవిష్యత్ రోబోటిక్స్కి బలమైన పునాది కోసం రూపొందించబడింది. ఒకే రోబోట్ అనేక పనులు చేయగలిగేలా చేయడం దీని తుది లక్ష్యం.
కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!