జీమెయిల్ యూజర్‌నేమ్ మార్చుకునే ఫీచర్

గూగుల్ ఎంతోకాలంగా ఎదురుచూస్తున్న జీమెయిల్ అడ్రస్ మార్చుకునే ఫీచర్‌ను అందుబాటులోకి తీసుకొచ్చింది. అర్హత ఉన్న యూజర్లు “Personal info > Email” సెక్షన్‌లో ఈ ఆప్షన్‌ను చూడగలరు. కొత్త @gmail.com అడ్రస్‌ను ఎంపిక చేసి కన్ఫర్మ్ చేసిన తర్వాత పాత అడ్రస్ అలియాస్‌గా మారుతుంది. మీ ఇమెయిల్స్, ఫోటోలు, డ్రైవ్ ఫైళ్లు అన్నీ అలాగే ఉంటాయి. పాత, కొత్త అడ్రస్‌లకు వచ్చిన మెయిల్స్ అన్నీ ఒకే ఇన్‌బాక్స్‌లో అందుతాయి.

అయితే, గూగుల్ కొన్ని పరిమితులు విధించింది. జీవితకాలంలో గరిష్టంగా మూడు సార్లు మాత్రమే అడ్రస్ మార్చుకునే అవకాశం ఉంటుంది. ప్రతి మార్పు తర్వాత 12 నెలలు వేచి ఉండాలి. కొన్ని డివైసులు, థర్డ్ పార్టీ యాప్స్‌లో మాన్యువల్ అప్‌డేట్స్ అవసరం కావచ్చు. ఈ ఫీచర్ ప్రస్తుతం దశలవారీగా అందుబాటులోకి వస్తోంది కాబట్టి అందరికీ ఇంకా కనిపించకపోవచ్చు, ముఖ్యంగా వర్క్ లేదా స్కూల్ అకౌంట్లకు అడ్మిన్ అనుమతి అవసరం ఉంటుంది.