ఎలాన్ మస్క్ కు ఎదురుదెబ్బ..

అమెరికా ఫెడరల్ కోర్టులో జరిగిన కీలక విచారణలో ఎలాన్ మస్క్ దాఖలు చేసిన కేసులో ఓపెన్AIకు అనుకూలంగా జ్యూరీ తీర్పు వెలువరించింది. మానవాళి ప్రయోజనాల కోసం ప్రారంభమైన సంస్థను లాభాపేక్ష దిశగా మళ్లించారని మస్క్ చేసిన ఆరోపణలను జ్యూరీ తిరస్కరించింది. కేసును ఆలస్యంగా దాఖలు చేశారని పేర్కొంటూ కోర్టు ఓపెన్AIకు ఊరట కల్పించింది.

ఈ తీర్పుతో ఓపెన్AIకు భవిష్యత్తులో భారీ IPO దిశగా మార్గం సుగమమయ్యే అవకాశం ఉందని విశ్లేషకులు భావిస్తున్నారు. మరోవైపు ఎలాన్ మస్క్ ఈ తీర్పుపై అప్పీల్ చేస్తానని ప్రకటించారు. ఈ కేసు AI నైతికత, కార్పొరేట్ నియంత్రణ, పెట్టుబడిదారుల ప్రభావం, AI భవిష్యత్తుపై ప్రపంచవ్యాప్తంగా చర్చకు దారితీసింది.