ఆపిల్‌ నుంచి భారీ ప్రొడక్ట్‌ లాంచ్‌లు..

ఆపిల్‌ 2026లో ఇప్పటివరకు లేనంత భారీ ప్రొడక్ట్‌ సైకిల్‌ను సిద్ధం చేస్తున్నట్లు టెక్‌ వర్గాల్లో చర్చ జరుగుతోంది. సెప్టెంబర్‌లో జరిగే సాధారణ ఐఫోన్‌ ఈవెంట్‌లో iPhone 18 Pro, iPhone 18 Pro Maxతో పాటు కంపెనీ తొలి ఫోల్డబుల్‌ ఐఫోన్‌ను పరిచయం చేసే అవకాశం ఉందని నివేదికలు పేర్కొంటున్నాయి. ఇప్పటికే 2026లో ఫోల్డబుల్‌ ఐఫోన్‌ విడుదలకు ఆపిల్‌ సన్నాహాలు చేస్తున్నట్లు పలు నివేదికలు వచ్చాయి. అయితే తుది ప్రణాళికల్లో మార్పులు ఉండే అవకాశం ఉంది.

iPhone 18 Proలో 6.3 అంగుళాల డిస్‌ప్లే, Pro Maxలో 6.9 అంగుళాల డిస్‌ప్లే కొనసాగవచ్చని అంచనా. డిస్‌ప్లే సామర్థ్యం, Dynamic Island పరిమాణం, కెమెరా టెక్నాలజీలో కీలక మార్పులు రావచ్చని సమాచారం. వేరియబుల్‌ అపెర్చర్‌ కెమెరా, కొత్త A20 చిప్‌ వంటి అప్‌గ్రేడ్‌లు కూడా ఉండొచ్చని ప్రచారం జరుగుతోంది. మరోవైపు కొత్త Apple Watch మోడళ్లు, Apple TV, HomePodతో పాటు M6 చిప్‌తో కొత్త MacBook Pro, iMac మోడళ్లు కూడా రావచ్చని తెలుస్తోంది. OLED టచ్‌స్క్రీన్‌తో కూడిన కొత్త MacBook Pro 2026 చివర్లో లేదా 2027 ప్రారంభంలో వచ్చే అవకాశం ఉందన్న అంచనాలూ ఉన్నాయి. అయితే ఇవన్నీ ప్రస్తుతం లీకులు, నివేదికల ఆధారంగానే ఉన్నాయి.