కొత్త టెక్నాలజీ ని విడుదల చేసిన Anthropic

సాధారణ పరిస్థితులు మరియు అధిక ఒత్తిడి పరిస్థితుల్లో AI మోడళ్ల ప్రవర్తనను పరీక్షించేందుకు Anthropic ‘బ్లూమ్ (Bloom)’ అనే కొత్త ఓపెన్‌ సోర్స్‌ AI టూల్‌ను విడుదల చేసింది. ప్రవర్తనా పరీక్షలను ఆటోమేట్‌ చేయడానికి రూపొందించిన ఈ టూల్‌ వివిధ లక్షణాలపై మోడళ్ల స్పందనలను విశ్లేషించేందుకు వివరమైన సన్నివేశాలను ప్రాంప్ట్‌లుగా రూపొందిస్తుంది. పక్షపాతం, స్వీయ రక్షణ ధోరణులు, అతిగా అనుకూలించే ప్రవర్తన వంటి ప్రమాదాలను అంచనా వేయడంలో ఇది పరిశోధకులకు సహాయపడనుంది. ఇప్పటివరకు ఈ ప్రక్రియ మానవీయంగా, సమయం ఎక్కువగా తీసుకునే విధంగా ఉండేది.

బ్లూమ్‌ అనేక దశల్లో పనిచేస్తుంది. ముందుగా లక్ష్య ప్రవర్తనను విశ్లేషించి, ప్రతి సారి కొత్తగా మూల్యాంకన సన్నివేశాలను రూపొందిస్తుంది. అనంతరం అవి ఎంపిక చేసిన AI మోడల్‌పై అమలు చేసి, చివరగా జడ్జ్‌ మోడల్‌ ద్వారా ఫలితాలకు స్కోర్లు కేటాయించి విశ్లేషిస్తుంది. బ్లూమ్‌ను పెద్ద స్థాయి మోడళ్లతో సమీకరించవచ్చని, పరిశీలన కోసం ట్రాన్స్‌క్రిప్ట్‌లను ఎగుమతి చేసే సౌకర్యం కూడా ఉందని Anthropic తెలిపింది. నాలుగు రకాల ప్రవర్తనలపై 16 AI మోడళ్లతో చేసిన బెంచ్‌మార్క్‌ ఫలితాలను కూడా సంస్థ విడుదల చేసింది. MIT లైసెన్స్‌తో GitHub లో అందుబాటులో ఉన్న ఈ టూల్‌ను అకడమిక్‌, వాణిజ్య అవసరాల కోసం ఉచితంగా వినియోగించుకోవచ్చు.