సన్‌రైజర్స్ దూకుడు: అభిషేక్ శర్మ శతకంతో హైదరాబాద్ ఘన విజయం!

సొంత మైదానం రాజీవ్ గాంధీ అంతర్జాతీయ క్రికెట్ స్టేడియం లో సన్‌రైజర్స్ హైదరాబాద్ తిరుగులేని జట్టుగా దూసుకెళ్తోంది. దిల్లీ క్యాపిటల్స్ పై 47 పరుగుల తేడాతో ఘన విజయం సాధించి వరుసగా మూడో గెలుపును నమోదు చేసింది. ఈ విజయంతో పాయింట్ల పట్టికలో మూడో స్థానానికి చేరుకున్న హైదరాబాద్ జట్టు, ఈ సీజన్‌లో గెలిచిన నాలుగు మ్యాచ్‌ల్లోనూ ముందుగా బ్యాటింగ్ చేయడం విశేషం. దిల్లీకి ఇది మూడో ఓటమి.

ఓపెనర్ అభిషేక్ శర్మ(135 నాటౌట్) అద్భుత శతకంతో జట్టుకు భారీ స్కోరు అందించాడు. అతనికి తోడు ట్రావిస్ హెడ్ (37), హెన్రిచ్ క్లాసెన్ (37*) రాణించడంతో హైదరాబాద్ 242/2 పరుగులు చేసింది. అనంతరం ఇషాన్ మలింగ (4/32), హర్ష్ దూబే అద్భుత బౌలింగ్‌తో దిల్లీని 195/9కి పరిమితం చేశారు. నితీశ్ రాణా (57) పోరాడినా ఫలితం లేకపోయింది.