రికార్డుల వర్షం కురిపించిన ఐపీఎల్ 2026

ఐపీఎల్ 2026 సీజన్ రికార్డుల పండుగగా నిలిచింది. వ్యక్తిగత ప్రదర్శనలు, జట్టు విజయాలు, బ్యాటింగ్ గణాంకాలు, బౌలింగ్ రికార్డులు ఇలా ప్రతి విభాగంలోనూ కొత్త చరిత్ర నమోదైంది. వరుసగా రెండోసారి టైటిల్ గెలిచిన రాయల్ ఛాలెంజర్స్ బెంగళూరు ఈ సీజన్‌కు ప్రత్యేక ఆకర్షణగా నిలవగా, విరాట్ కోహ్లీ తన అద్భుత ప్రదర్శనతో మరో అరుదైన రికార్డును ఖాతాలో వేసుకున్నాడు.

ఈ సీజన్‌లో అత్యధిక పరుగులు, అత్యధిక సిక్సర్లు, అత్యధిక ఫోర్లు, అత్యధిక సెంచరీలు, అత్యధిక 200+ స్కోర్లు నమోదవడంతో ఐపీఎల్ చరిత్రలోనే అత్యంత దూకుడైన సీజన్‌గా 2026 నిలిచింది. ప్లేఆఫ్స్‌లో క్వాలిఫయర్-1 ప్రాధాన్యత మరోసారి రుజువవగా, పలువురు దిగ్గజ ఆటగాళ్లు తమ కెరీర్ రికార్డులను మరింత బలోపేతం చేసుకున్నారు.

ఐపీఎల్ ఫైనల్లో అత్యధిక వయసులో ప్లేయర్ ఆఫ్ ది మ్యాచ్ విజేతలు

అత్యంత కీలకమైన ఫైనల్ వేదికపై అనుభవజ్ఞులైన ఆటగాళ్లు తమ ముద్ర వేయడం ఐపీఎల్ చరిత్రలో తరచూ కనిపించింది. 2026 ఫైనల్లో విరాట్ కోహ్లీ ఈ జాబితాలో చోటు దక్కించుకున్నాడు.

• 38 సంవత్సరాలు 219 రోజులు – అనిల్ కుంబ్లే (ఆర్సీబీ, 2009)

• 37 సంవత్సరాలు 207 రోజులు – విరాట్ కోహ్లీ (ఆర్సీబీ, 2026)

• 37 సంవత్సరాలు 94 రోజులు – ఫాఫ్ డుప్లెసిస్ (సీఎస్‌కే, 2021)

వరుసగా ఐపీఎల్ టైటిల్స్ గెలిచిన జట్లు

ఐపీఎల్‌లో బ్యాక్ టు బ్యాక్ టైటిల్స్ గెలవడం చాలా అరుదైన ఘనత. ఆర్సీబీ ఇప్పుడు ఆ జాబితాలో చోటు సంపాదించింది.

• సీఎస్‌కే – 2010, 2011

అత్యధిక ఐపీఎల్ టైటిల్స్

దీర్ఘకాల ఆధిపత్యాన్ని కొనసాగించిన జట్లు ఐపీఎల్ చరిత్రలో ప్రత్యేక స్థానం సంపాదించాయి.

• 5 – ముంబై ఇండియన్స్

• 5 – చెన్నై సూపర్ కింగ్స్

• 3 – కోల్‌కతా నైట్ రైడర్స్

• 2 – రాయల్ ఛాలెంజర్స్ బెంగళూరు

ఒకే వేదికపై రెండు ఫైనల్స్ గెలిచిన జట్లు

కొన్ని మైదానాలు కొన్ని జట్లకు అదృష్ట వేదికలుగా మారాయి. అహ్మదాబాద్ ఇప్పుడు ఆర్సీబీకి అలాంటి వేదికగా నిలిచింది.

• ముంబై – కోల్‌కతా (2013, 2015)

• ముంబై – హైదరాబాద్ (2017, 2019)

• కేకేఆర్ – చెన్నై (2012, 2024)

• ఆర్సీబీ – అహ్మదాబాద్ (2025, 2026)

క్వాలిఫయర్-1 జట్ల ఆధిపత్యం

టాప్-2లో నిలవడం ఎంత కీలకమో ఈ గణాంకం స్పష్టం చేస్తోంది.

• 2011 నుంచి ప్రస్తుత ప్లేఆఫ్స్ విధానంలో 16 ఫైనల్స్‌లో 13 సార్లు క్వాలిఫయర్-1 విజేతలే ఛాంపియన్లయ్యారు.

• వరుసగా గత 9 సీజన్లలో క్వాలిఫయర్-1 గెలిచిన జట్టే టైటిల్ సాధించింది. ఐదు లేదా అంతకంటే ఎక్కువ ఐపీఎల్ ఫైనల్ విజయాల్లో భాగమైన ఆటగాళ్లు అనేక టైటిల్ విజయాల్లో భాగమై చరిత్ర సృష్టించిన ఆటగాళ్లు.

• 6 – రోహిత్ శర్మ

• 6 – అంబటి రాయుడు

• 5 – ఎంఎస్ ధోనీ

• 5 – కీరన్ పొలార్డ్

• 5 – హార్దిక్ పాండ్యా

• 5 – కృనాల్ పాండ్యా

ఒకటి కంటే ఎక్కువసార్లు పర్పుల్ క్యాప్ గెలిచిన బౌలర్లు

ఒక సీజన్‌లో అత్యధిక వికెట్లు తీయడం కష్టమే. అలాంటిది రెండుసార్లు లేదా అంతకంటే ఎక్కువసార్లు సాధించడం మరింత విశేషం.

• డ్వేన్ బ్రావో (2013, 2015)

• భువనేశ్వర్ కుమార్ (2016, 2017)

• హర్షల్ పటేల్ (2021, 2024)

• కగిసో రబడ (2020, 2026)

ఐపీఎల్ 2026 – ఒక్క చూపులో

బ్యాటర్ల ఆధిపత్యం, భారీ స్కోర్లు, రికార్డు స్థాయి దూకుడు.. ఈ సీజన్ ప్రత్యేకతలు.

• ఒక సీజన్‌లో అత్యధిక పరుగులు – 27,450

• ఒక్క వికెట్‌కు అత్యధిక పరుగులు – 31.26

• అత్యధిక రన్‌రేట్ – 9.88

• అత్యధిక ఫోర్లు – 2,332

• అత్యధిక సిక్సర్లు – 1,426

• అత్యధిక వ్యక్తిగత సెంచరీలు – 15

• అత్యధిక 200+ స్కోర్లు – 65

• అత్యధిక విజయవంతమైన 200+ ఛేదనలు – 17