ఐపీఎల్‌ 2026: ఉప్పల్ లో అభిషేక్ శర్మ సునామీ

ఉప్పల్ స్టేడియంలో సన్‌రైజర్స్ హైదరాబాద్ బ్యాటర్లు అద్భుత ప్రదర్శన కనబరిచారు. ఓపెనర్ అభిషేక్ శర్మ అజేయంగా 135 పరుగులు చేసి ఐపీఎల్‌లో తన రెండో సెంచరీతో మెరిశాడు. 68 బంతుల్లో 10 ఫోర్లు, 10 సిక్సర్లతో విధ్వంసకర బ్యాటింగ్ చేసిన అతను ఢిల్లీ క్యాపిటల్స్ బౌలర్లపై పూర్తి ఆధిపత్యం చూపించాడు. ట్రావిస్ హెడ్ త్వరగా ఔటైనప్పటికీ, అభిషేక్ తన దూకుడు తగ్గించకుండా ఇన్నింగ్స్‌ను ముందుకు నడిపించాడు. చివర్లో హెన్రిచ్ క్లాసెన్ కూడా వేగంగా ఆడుతూ జట్టుకు భారీ స్కోరు అందించాడు.

మొదట ట్రావిస్ హెడ్‌తో కలిసి శుభారంభం అందించిన అభిషేక్, పవర్ ప్లే నుంచే దూకుడు పెంచాడు. అర్ధ శతకాన్ని కేవలం 25 బంతుల్లో పూర్తి చేసి ఉప్పల్ స్టేడియాన్ని ఉర్రూతలూగించాడు. తరువాత ఇషాన్ కిషన్‌తో కలిసి స్కోరును వేగంగా ముందుకు తీసుకెళ్లాడు. నితీశ్ రానా ఓవర్లో రెండు భారీ సిక్సర్లతో తన రెండో ఐపీఎల్ సెంచరీని నమోదు చేశాడు. అనంతరం హెన్రిచ్ క్లాసెన్ చివరి ఓవర్‌లో వరుస బౌండరీలతో దూకుడు కొనసాగించగా, సన్‌రైజర్స్ హైదరాబాద్ 2 వికెట్ల నష్టానికి 242 పరుగుల భారీ స్కోరు నమోదు చేసింది.