తొలి వన్డేలో న్యూజిలాండ్‌పై భారత్ ఘన విజయం

న్యూజిలాండ్‌తో జరిగిన వన్డే మ్యాచ్‌లో టీమిండియా ఐదు వికెట్ల తేడాతో ఘన విజయం సాధించింది. తొలుత బ్యాటింగ్ చేసిన న్యూజిలాండ్ 40.2 ఓవర్లలో 185 పరుగులకు ఆలౌటైంది. వర్షం కారణంగా భారత ఇన్నింగ్స్‌ను 32 ఓవరాలకు కుదించడంతో డీఎల్ఎస్ పద్ధతిలో 143 పరుగుల లక్ష్యాన్ని నిర్దేశించారు. ఈ లక్ష్యాన్ని భారత్ 22.4 ఓవర్లలో ఐదు వికెట్లు కోల్పోయి ఛేదించింది. ఈ విజయంతో భారత్ సిరీస్‌లో ఆధిక్యంలోకి దూసుకెళ్లింది.

విరాట్ కోహ్లీ 74 పరుగులతో అద్భుతంగా రాణించి భారత విజయంలో కీలక పాత్ర పోషించాడు. కెప్టెన్ శుభ్‌మన్ గిల్ కూడా అతడికి చక్కటి సహకారం అందించాడు. రోహిత్ శర్మ, అక్షర్ పటేల్ ఖాతా తెరవకుండానే వెనుదిరగగా, శ్రేయస్ అయ్యర్ 15 పరుగులు చేశాడు. న్యూజిలాండ్ బౌలర్లలో జాకబ్ డఫీ మూడు వికెట్లు పడగొట్టగా, నాథన్ స్మిత్, కైల్ జేమీసన్ చెరో వికెట్ సాధించారు. ఆక్లాండ్‌లోని ఈడెన్ పార్క్‌లో భారత్‌కు న్యూజిలాండ్‌పై వన్డేల్లో 17 ఏళ్ల తర్వాత విజయం దక్కడం విశేషం.