WPL లో ముంబై కెప్టెన్, టీమ్ ఇండియా ప్లేయర్ హర్మన్‌ప్రీత్ కౌర్ ఘనత!..

ముంబై ఇండియన్స్‌ కెప్టెన్‌ హర్మాన్ ప్రీత్ కౌర్ మహిళల ప్రీమియర్ లీగ్‌ (WPL) చరిత్రలో అరుదైన మైలురాయి ను అందుకున్నారు. ఈ నెల 13 న గుజరాత్ జెయింట్స్ తో జరిగిన మ్యాచ్‌లో ఆమె WPLలో 1,000 పరుగులు పూర్తి చేసిన రెండో ప్లేయర్‌గా మరియు తొలి భారతీయ క్రీడాకారిణిగా రికార్డు సృష్టించారు.

WPL చరిత్రలో మొదటగా 1,000 పరుగుల మార్కును అందుకున్న ప్లేయర్‌ నాట్ సీవర్-బ్రంట్ కూడా ముంబై టీమ్ కావడం గమనర్హం. ఇదే మ్యాచ్‌లో హర్మన్‌ప్రీత్ కేవలం 43 బంతుల్లో 7 ఫోర్లు, 2 సిక్సర్లతో 71 పరుగులు (నాటౌట్) చేసి ముంబై ఇండియన్స్‌కు విజయం అందించారు. ఈ ఇన్నింగ్స్‌తో ఆమె WPLలో తన 10 వ అర్ధ సెంచరీని నమోదు చేయగా, లీగ్ చరిత్రలో అత్యధిక హాఫ్ సెంచరీలు చేసిన ఆటగాళ్ల జాబితాలో అగ్రస్థానంలో నిలిచారు.

ప్రస్తుతానికి WPLలో అత్యధిక పరుగులు చేసిన ఆటగాళ్ల జాబితాలో ముంబై ఇండియన్స్‌కు చెందిన నాట్ సీవర్-బ్రంట్, హర్మన్‌ప్రీత్ కౌర్ ఇద్దరూ 1,000 కు పైగా పరుగులతో ముందున్నారు. వారి తర్వాత ఆర్‌సీబీ తరఫున ఎలీస్ పెర్రీ 972 పరుగులతో, ఢిల్లీ క్యాపిటల్స్ తరఫున మెగ్ లానింగ్ 952 పరుగులతో, అదే జట్టుకు చెందిన షఫాలి వర్మ 865 పరుగులతో కొనసాగుతున్నారు.