హర్మన్‌ప్రీత్ ఫిట్‌నెస్‌పైనే భారత్ వరల్డ్ కప్ ఆశలు.. కెప్టెన్‌పై భారీ బాధ్యత

హాకీ వరల్డ్ కప్‌కు సిద్ధమవుతున్న భారత జట్టుకు కెప్టెన్ హర్మన్‌ప్రీత్ సింగ్ ఫిట్‌నెస్ కీలకంగా మారింది. గత రెండేళ్లలో హ్యామ్‌స్ట్రింగ్, లోయర్ బ్యాక్, చీలమండ, మణికట్టు, వేళ్లకు సంబంధించిన గాయాలతో ఆయన ఇబ్బందులు ఎదుర్కొన్నారు. పెనాల్టీ కార్నర్ ప్రాక్టీస్ సమయంలో తొలుత ఫిజియో వద్ద ఉన్న హర్మన్‌ప్రీత్.. ఆ తర్వాత జట్టు హై-ఇంటెన్సిటీ గేమ్స్‌లో పాల్గొనడంతో అతని ఫిట్‌నెస్‌పై ఆందోళనలు కొంత తగ్గాయి.

భారత్‌కు పెనాల్టీ కార్నర్లు కీలకమైన గోల్ స్కోరింగ్ మార్గంగా ఉన్నప్పటికీ.. ప్రత్యర్థి జట్ల మెరుగైన డిఫెన్స్ కారణంగా వాటిని గోల్స్‌గా మలచడం కష్టమవుతోంది. దీంతో జుగ్‌రాజ్ సింగ్, అమిత్ రోహిదాస్, రాజిందర్ సింగ్, సంజయ్ వంటి ఆటగాళ్లను ప్రత్యామ్నాయ పెనాల్టీ కార్నర్ స్పెషలిస్టులుగా సిద్ధం చేస్తున్నారు. మరోవైపు హర్మన్‌ప్రీత్ కొత్త డ్రాగ్‌ఫ్లిక్ విధానాలు, వేగం, శక్తిని పెంచుకోవడంపై దృష్టి పెట్టారు. ఇటీవలి గోల్ సంఖ్య తగ్గినప్పటికీ.. కీలక సమయంలో కెప్టెన్ తన సత్తా చూపిస్తాడని భారత్ ఆశిస్తోంది.