వెయిట్‌లిఫ్టర్ అజయ్ బాబును అభినందించిన సీఎం చంద్రబాబు

గ్లాస్గో 2026 కామన్వెల్త్ క్రీడల్లో పురుషుల 79 కిలోల వెయిట్‌లిఫ్టింగ్ విభాగంలో రజత పతకం సాధించిన ఆంధ్రప్రదేశ్‌కు చెందిన వల్లూరి అజయ్ బాబును ముఖ్యమంత్రి నారా చంద్రబాబు నాయుడు అభినందించారు. అంతర్జాతీయ వేదికపై అజయ్ ప్రదర్శించిన ప్రతిభ రాష్ట్రానికే కాకుండా దేశానికీ గర్వకారణమని ఆయన కొనియాడారు.

తన తండ్రి శ్రీనివాసరావు క్రీడా వారసత్వాన్ని అజయ్ విజయవంతంగా కొనసాగిస్తున్నారని చంద్రబాబు పేర్కొన్నారు. భవిష్యత్తులో మరిన్ని అంతర్జాతీయ పోటీల్లో విజయాలు సాధించి భారత క్రీడా కీర్తిని మరింత ఉన్నత స్థాయికి తీసుకెళ్లాలని ఆకాంక్షిస్తూ ఆయన శుభాకాంక్షలు తెలిపారు.