ఐపీఎల్ వేలంలో నయా రూల్.కొత్త గా టై బ్రేకర్ విధానం...

ఐపీఎల్ 2026 మినీ వేలానికి ముందు బీసీసీఐ కీలక మార్పు తీసుకొచ్చింది. అబుదాబీలో జరగనున్న ఈ వేలంలో తొలిసారిగా ‘టై-బ్రేకర్’ నియమం అమల్లోకి రానుంది. ఒకే ఆటగాడి కోసం రెండు లేదా అంతకంటే ఎక్కువ ఫ్రాంచైజీలు ఒకే బిడ్ వద్ద ఆగిపోయినప్పుడు ఈ కొత్త విధానం వర్తిస్తుంది. ఈ రూల్ వేలానికి మరింత ఉత్కంఠను జోడించనుందని క్రికెట్ వర్గాలు భావిస్తున్నాయి.

ఇంతకుముందు ఇలాంటి పరిస్థితుల్లో జట్లు రహస్య చర్చల ద్వారా ఆటగాళ్లను దక్కించుకునేవి. కానీ ఇప్పుడు బీసీసీఐ స్పష్టమైన విధానాన్ని రూపొందించింది. టై వచ్చినప్పుడు ఫ్రాంచైజీలకు టై-బ్రేకర్ ఫారం ఇస్తారు. అందులో జట్లు భారతీయ రూపాయల్లో ఒక రహస్య బిడ్ రాయాలి. ఈ మొత్తం ఆటగాడికి కాదు, బీసీసీఐకి చెల్లించాల్సి ఉంటుంది. అత్యధిక రహస్య బిడ్ పెట్టిన జట్టే ఆటగాడిని సొంతం చేసుకుంటుంది. ఈ మొత్తాన్ని వేలం తేదీ నుంచి 30 రోజుల్లోపు బీసీసీఐకి చెల్లించాలి. భారీ పర్స్ ఉన్న కేకేఆర్, సీఎస్‌కే జట్ల మధ్య స్టార్ విదేశీ ఆటగాళ్ల కోసం తీవ్ర పోటీ ఉండే అవకాశముంది.