హర్మూజ్ సమీపంలో ఇరాన్‌పై అమెరికా దాడులు

పశ్చిమాసియాలో ఉద్రిక్తతలు పెరుగుతున్న నేపథ్యంలో అమెరికా, ఇరాన్‌పై భీకర దాడులు చేసింది. చమురు రవాణాకు కీలకమైన హర్మూజ్ జలసంధి సమీపంలోని భూగర్భ క్షిపణి స్థావరాన్ని లక్ష్యంగా చేసుకుని ఈ దాడులు నిర్వహించింది. యూఎస్ సెంట్రల్ కమాండ్ ప్రకారం, దాదాపు 5,000 పౌండ్ల బరువున్న బంకర్ బస్టర్ బాంబులతో ఈ ఆపరేషన్ చేపట్టారు. ఈ స్థావరంలో ఉన్న యాంటీ-షిప్ క్రూజ్ క్షిపణులు అంతర్జాతీయ సముద్ర రవాణాకు ముప్పుగా మారినట్లు తెలిపారు.

ఇరాన్ తీర రక్షణ వ్యవస్థలో భాగమైన ఆయుధ నిల్వలు, క్షిపణి ప్రయోగ కేంద్రాలను ధ్వంసం చేయడమే ఈ దాడుల ఉద్దేశ్యమని అమెరికా పేర్కొంది. హర్మూజ్ జలసంధి ద్వారా చమురు రవాణా నిరంతరాయంగా కొనసాగేందుకు ఈ చర్యలు తీసుకున్నట్లు తెలిపింది. ఇదే సమయంలో నాటో మరియు మిత్రదేశాలు యుద్ధ నౌకలను పంపేందుకు నిరాకరించాయని ట్రంప్ ప్రకటించిన కొద్దిసేపటికే ఈ దాడులు జరగడం గమనార్హం. భూగర్భ లక్ష్యాలను ధ్వంసం చేసేందుకు ఉపయోగించే బంకర్ బస్టర్ బాంబులు చాలా ఖరీదైనవిగా భావించబడుతున్నాయి.