రేవంత్‌రెడ్డికి హరీశ్‌రావు సవాల్… సిద్దిపేటలో పోటీకి ఆహ్వానం

బీఆర్‌ఎస్‌ నేత, మాజీ మంత్రి హరీశ్‌రావు ముఖ్యమంత్రి రేవంత్‌రెడ్డికి సవాల్ విసిరారు. సిద్దిపేటలో ఇతరులను నిలబెట్టడం కాకుండా, స్వయంగా రేవంత్‌రెడ్డిని పోటీ చేయాలని ఆయన డిమాండ్ చేశారు. పోటీకి ఆయనను ఆహ్వానిస్తున్నట్లు కూడా తెలిపారు.

“ఎంత కష్టపడినా రేవంత్‌రెడ్డి మళ్లీ సీఎం కావడం సాధ్యం కాదని” హరీశ్‌రావు వ్యాఖ్యానించారు. తాము ఎప్పుడు రాజకీయంగా ముందడుగు వేయాలో బాగా తెలుసని అన్నారు. జీవన్‌రెడ్డి బీఆర్‌ఎస్‌లో చేరుతారా లేదా అన్నది ముందుగానే చెప్పడం కంటే, జరిగేదాన్ని చూడటం మంచిదని పేర్కొన్నారు. అలాగే నియోజకవర్గాల పునర్విభజన తమ పార్టీకి అనుకూలంగా ఉంటుందని అభిప్రాయపడ్డారు.

ఇటీవల సిద్దిపేట జిల్లా నర్మెటలో జరిగిన సభలో సీఎం రేవంత్‌రెడ్డి మాట్లాడుతూ, వచ్చే అసెంబ్లీ ఎన్నికల్లో సిద్దిపేటలో కూడా కాంగ్రెస్ గెలవాలని లక్ష్యంగా పెట్టుకున్నట్లు చెప్పారు. అక్కడ గెలిచిన అభ్యర్థికి మంత్రి పదవి ఇవ్వనున్నట్లు ప్రకటించారు. ఈ వ్యాఖ్యలపై స్పందిస్తూ హరీశ్‌రావు ఈ సవాల్‌ను విసిరినట్లు తెలుస్తోంది.