‘అఫిడవిట్‌లో పూర్తి వివరాలు ఇచ్చా’.. మీనాక్షి నటరాజన్

తెలంగాణ కాంగ్రెస్ ఇన్‌చార్జ్ మీనాక్షి నటరాజన్ తన ఎన్నికల నామినేషన్ తిరస్కరణ అంశంపై స్పందించారు. ఎన్నికల అఫిడవిట్‌లో అవసరమైన అన్ని వివరాలను పూర్తిగా వెల్లడించానని, ఎలాంటి సమాచారాన్ని దాచిపెట్టలేదని ఆమె స్పష్టం చేశారు. తనపై ఎలాంటి క్రిమినల్ కేసులు లేవని, తాను ఎప్పుడూ నేరపూరిత చర్యలకు పాల్పడలేదని పేర్కొన్నారు.

నామినేషన్ ప్రక్రియలో ఎన్నికల అధికారులు కోరిన అన్ని వివరాలను సమర్పించినప్పటికీ తన నామినేషన్‌ను తిరస్కరించారని మీనాక్షి నటరాజన్ తెలిపారు. ఈ వ్యవహారంలో సుప్రీంకోర్టులో న్యాయం జరుగుతుందనే నమ్మకం ఉందని ఆమె అన్నారు. చట్టబద్ధమైన మార్గాల్లో తన పోరాటాన్ని కొనసాగిస్తానని స్పష్టం చేశారు.