బండి భగీరధ్ కేసుపై పోలీసుల తీరును ప్రశ్నించిన సీపీఐ నారాయణ!

సీపీఐ సీనియర్ నేత సీపీఐ నారాయణ బండి భగీరధ్‌పై నమోదైన పోక్సో కేసు వ్యవహారంపై తీవ్ర వ్యాఖ్యలు చేశారు. పోలీసులు ఒకవైపు అరెస్ట్ చేశామని చెబుతుంటే, మరోవైపు కేంద్ర మంత్రి బండి సంజయ్ తానే పోలీస్ స్టేషన్‌కు పంపించానని చెప్పడం పోలీస్ వ్యవస్థను ప్రశ్నార్థకం చేస్తోందని అన్నారు.

పోక్సో కేసు నమోదైన వెంటనే నిందితుడిని అరెస్ట్ చేయకపోవడం రాష్ట్ర ప్రభుత్వ వైఫల్యమని నారాయణ విమర్శించారు. తాము ఎన్‌కౌంటర్ కోరడం లేదని, కానీ కనీసం చట్టపరమైన చర్యలైనా వెంటనే తీసుకోవాల్సిందని పేర్కొన్నారు. ఈ ఘటనతో పోలీస్ వ్యవస్థ, కోర్టు వ్యవస్థ సామర్థ్యంపై అనుమానాలు వ్యక్తమవుతున్నాయని వ్యాఖ్యానించారు.