అన్నామలై రాజీనామాకు బీజేపీ ఆమోదం

తమిళనాడు బీజేపీ మాజీ అధ్యక్షుడు అన్నామలై భారతీయ జనతా పార్టీకి అధికారికంగా రాజీనామా చేశారు. పార్టీ అధిష్ఠానం ఆయన రాజీనామాను ఆమోదించినట్లు సమాచారం. ఈ నిర్ణయానికి బీజేపీ జాతీయ అధ్యక్షుడు నితిన్ నబీన్ ఆమోదం తెలిపినట్లు పేర్కొనగా, పార్టీ జాతీయ ప్రధాన కార్యదర్శి అరుణ్ సింగ్ అధికారిక ప్రకటన విడుదల చేశారు.

అన్నామలైను పార్టీలోనే కొనసాగించాలని బీజేపీ సీనియర్ నాయకత్వం చేసిన ప్రయత్నాలు ఫలించలేదని రాజకీయ వర్గాలు చెబుతున్నాయి. ఈ నేపథ్యంలో ఆయన తమిళనాడులో కొత్త రాజకీయ పార్టీ ఏర్పాటు చేసే దిశగా అడుగులు వేస్తున్నారనే ఊహాగానాలు జోరందుకున్నాయి. అయితే దీనిపై ఇప్పటివరకు అధికారిక ప్రకటన వెలువడలేదు. అన్నామలై తదుపరి రాజకీయ నిర్ణయం తమిళనాడు రాజకీయాల్లో కీలక ప్రభావం చూపే అవకాశం ఉందని విశ్లేషకులు భావిస్తున్నారు.