తెలంగాణపై మళ్లీ ఏపీ వాళ్ల కన్నుపడింది - ఎమ్మెల్యే అనిరుధ్‌ రెడ్డి

పవన్ కళ్యాణ్‌ పై కాంగ్రెస్ ఎమ్మెల్యే అనిరుధ్ రెడ్డి తీవ్ర విమర్శలు చేశారు. తెలంగాణ ప్రజల పై పవన్ కళ్యాణ్ “నరదృష్టి” అన్న వ్యాఖ్యలు చేయడం సరైంది కాదని ఆయన అన్నారు. అలాంటి వ్యాఖ్యలకు మద్దతుగా నిలబడేవారికి సిగ్గు ఉండాలని అనిరుధ్ రెడ్డి వ్యాఖ్యానించారు.

పవన్ కళ్యాణ్ ఒక నటుడని, నిర్మాతల కోసం పని చేస్తారని ఆయన ఆరోపించారు. ఏపీలో పవన్‌కు చంద్రబాబు, లోకేష్ నిర్మాతలుగా ఉన్నారని, ఇప్పుడు మోదీ ప్రొడక్షన్‌లో తెలంగాణకు వస్తున్నారని అనిరుధ్ రెడ్డి ఎద్దేవా చేశారు.

తెలంగాణ పై మళ్లీ ఏపీ నాయకుల కన్నుపడిందని ఆయన వ్యాఖ్యలు చేశారు. ఈ అంశం పై రాజకీయ వర్గాల్లో చర్చ కొనసాగుతోంది.