ఓటీటీలోకి తెలుగు కామెడీ సినిమా... స్ట్రీమింగ్ ఎప్పుడంటే?

టాలీవుడ్ నటుడు సుహాస్ నటించిన ‘హే బల్‌వంత్’ అనే కామెడీ చిత్రం గత నెలలో థియేటర్లలో విడుదలైంది. కొంత భిన్నమైన కథ ఉండటంతో కొందరికి నచ్చగా, మరికొందరికి అంతగా నచ్చలేదు. అయినప్పటికీ ఈ సినిమా సగటు స్పందనను అందుకుంది.

ఇప్పుడు ఈ చిత్రం ఇంటి వద్ద చూడగల వేదికలోకి రావడానికి సిద్ధమైంది. సుహాస్ మరియు శివాని నాగారం ప్రధాన పాత్రల్లో నటించిన ఈ చిత్రం ఈ నెల 31 నుంచి ప్రసారం కానుంది. ఈ చిత్రం తెలుగు, తమిళ, కన్నడ, మలయాళ భాషల్లో అందుబాటులో ఉంటుంది. నరేష్ మరియు సుదర్శన్ కీలక పాత్రలు పోషించారు.

'హే బల్‌వంత్' విషయానికొస్తే.. కృష్ణ(సుహాస్)కి చిన్నప్పటి నుంచి తన తండ్రిలా బిజినెస్‌మ్యాన్ అవ్వాలనేది కోరిక. కానీ నాన్న ఏం పనిచేస్తుంటాడనేది మాత్రం తెలీదు. ఇతడి నాన్నమ్మ(అన్నపూర్ణమ్మ) కూడా ఎందరో ఆడవాళ్లకి బతుకునిస్తున్నాడని చెబుతుంది. మొత్తానికి పెద్దయ్యాక కృష్ణకు తండ్రి బిజినెస్ ఏంటో తెలుస్తుంది. అయితే ఆ విషయాన్ని అంగీకరించాడనికే కృష్ణ చాలా ఇబ్బంది పడతాడు. అప్పటికే తాను ప్రేమిస్తున్న మిత్ర(శివాని)కి ఆ బిజినెస్ గురించి తెలియకుండా దాస్తాడు. ఇంతకీ ఆ బిజినెస్ ఏంటి? చివరకు కృష్ణ-మిత్ర ఒక్కటయ్యారా అనేది మిగతా స్టోరీ.