చిరుతో నటించాలనే కోరిక నెరవేరింది… ‘మన శంకర వర ప్రసాద్ గారు’ పై వెంకీ హృదయపూర్వక మాటలు

మెగాస్టార్ చిరంజీవి – అనిల్ రావిపూడి కాంబినేషన్‌లో రూపొందుతున్న ‘మన శంకర వరప్రసాద్ గారు’ చిత్రం సంక్రాంతి బరిలోకి రానుంది. నయనతార హీరోయిన్‌గా నటిస్తున్న ఈ సినిమాలో విక్టరీ వెంకటేష్ ఒక కీలక పాత్రలో కనిపించనున్నారు. ప్రస్తుతం సినిమా షూటింగ్ వేగంగా కొనసాగుతుండగా, వెంకటేష్ తన భాగం షూట్ పూర్తి చేసినట్టు ప్రకటించారు.

ఈ చిత్రం తనకు చాలా ప్రత్యేకమైన అనుభవాన్ని ఇచ్చిందని ఆయన తెలిపారు. చిరంజీవితో కలిసి నటించడం తనకు ఎప్పటినుంచి ఉన్న కోరిక అని, ఈ సినిమా ద్వారా ఆ కల నెరవేరిందని వెంకటేష్ భావోద్వేగంగా చెప్పారు. సెట్లో చిరుతో పంచుకున్న మధురమైన క్షణాలు తనకు ఎన్నో గుర్తులుగా మిగిలాయని వెల్లడించారు. ఈ అవకాశం ఇచ్చిన దర్శకుడు అనిల్ రావిపూడికి కృతజ్ఞతలు తెలిపారు.

సంక్రాంతి రోజున అభిమానులతో కలిసి థియేటర్లలో ఈ ఉత్సాహాన్ని పంచుకోవడానికి వేచి చూడలేకపోతున్నానని వెంకటేష్ చెప్పాడు.