జన నాయకుడికి కఠిన నియమావళి అమలు?

తమిళనాడు సీఎంగా రాజకీయ రంగంలో కీలక బాధ్యతలు నిర్వర్తిస్తున్న విజయ్ ఇప్పుడు తన కొత్త చిత్రం జన నాయకుడి విడుదల విషయంలో అత్యంత అప్రమత్తంగా వ్యవహరిస్తున్నట్లు సమాచారం. సీఎం గా ఉన్న సమయంలో సినిమా విడుదల కావడం వల్ల ప్రతి చిన్న అంశం కూడా రాజకీయ చర్చకు దారితీసే అవకాశం ఉందనే భావన అధికార వర్గాల్లో కనిపిస్తోంది. ముఖ్యంగా టికెట్ ధరలు, బ్లాక్ మార్కెట్ విక్రయాలు, అనధికార వసూళ్లు వంటి అంశాలు ప్రతిపక్షాలకు ఆయుధాలుగా మారే అవకాశం ఉండటంతో ముందస్తు చర్యలు చేపట్టినట్లు తెలుస్తోంది.

అభిమానుల్లో సినిమా పట్ల ఉత్సాహం ఉన్నప్పటికీ పరిపాలనా బాధ్యతలు దృష్టిలో పెట్టుకుని నిర్ణయాలు తీసుకుంటున్నట్లు సమాచారం.ఈ నేపథ్యంలో థియేటర్ల నిర్వహణపై ప్రత్యేక పర్యవేక్షణ ఏర్పాటు చేయాలని అధికారులకు సూచనలు వెళ్లినట్లు ప్రచారం జరుగుతోంది. అనుమతించిన ధరలకు మించి టికెట్లు విక్రయిస్తే కఠిన చర్యలు తప్పవని హెచ్చరికలు జారీ చేసినట్లు తెలుస్తోంది.