‘ది ప్యారడైజ్’కు జోరుగా అడ్వాన్స్ బుకింగ్స్.. రూ.20 కోట్ల దిశగా దూకుడు!

నేచురల్ స్టార్ నాని, దర్శకుడు శ్రీకాంత్ ఓదెల కాంబినేషన్‌లో తెరకెక్కిన ‘ది ప్యారడైజ్’ థియేట్రికల్ ట్రైలర్ విడుదల కాకపోయినా టికెట్ కౌంటర్ల వద్ద మంచి జోరు చూపిస్తోంది. సెప్టెంబర్ 24న ప్రపంచవ్యాప్తంగా విడుదల కానున్న ఈ సినిమాకు మొదటి రోజు అడ్వాన్స్ బుకింగ్స్ ఇప్పటికే రూ.20 కోట్ల మార్క్‌కు చేరువవుతున్నాయి. దీంతో సినిమా విడుదలకు ముందే ట్రేడ్ వర్గాల్లో ఆసక్తి నెలకొంది.

ఈ హైప్‌కు అనిరుధ్ రవిచందర్ సంగీతం కూడా ప్రధాన కారణంగా నిలుస్తోంది. ముఖ్యంగా ‘యేషానాగుల’, ‘ఆయా షేర్’ పాటలు ప్రేక్షకుల్లో మంచి క్రేజ్ తెచ్చుకున్నాయి. వినాయక చవితి వేడుకల్లో ‘యేషానాగుల’ పాట ప్రత్యేక ఆకర్షణగా నిలవగా, ప్రీరిలీజ్ ఈవెంట్‌లో చిత్ర బృందం వేసిన డ్యాన్స్ స్టెప్పులు కూడా సందడి చేశాయి. మరోవైపు సెప్టెంబర్ 23 రాత్రి నుంచి రెండు తెలుగు రాష్ట్రాల్లో ప్రత్యేక ప్రీమియర్ షోలకు అనుమతులు లభించాయి. ప్రీమియర్ బుకింగ్స్ ప్రారంభమైతే అడ్వాన్స్ సేల్స్ మరింత పెరిగే అవకాశం ఉంది.