'తలైవర్ 173' పొంగల్ రేస్‌లోకి ఎంట్రీ

తమిళ సినీ పరిశ్రమలో అత్యంత ఆసక్తికర ప్రాజెక్టులలో ఒకటిగా ‘తలైవర్ 173’ నిలుస్తోంది. సూపర్ స్టార్ రజనీకాంత్ ప్రధాన పాత్రలో నటిస్తుండగా, ఈ చిత్రాన్ని కమల్ హాసన్ నిర్మిస్తున్నారు. ఈ ప్రత్యేక కాంబినేషన్ సినిమాపై భారీ అంచనాలు పెంచింది. మొదట దర్శకుల మార్పులు చోటుచేసుకున్న తర్వాత, యువ దర్శకుడు అశ్వత్ మారిముత్తు ఈ బాధ్యతలు చేపట్టారు.

ప్రస్తుతం స్క్రిప్ట్ పనులు చివరి దశలో ఉన్నాయి. కథకు తుది మెరుగులు దిద్దుతున్న దర్శకుడు జూలైలో షూటింగ్ ప్రారంభించాలని ప్లాన్ చేస్తున్నారు. వేగంగా చిత్రీకరణ పూర్తి చేసి 2027 సంక్రాంతికి విడుదల చేయాలని లక్ష్యంగా పెట్టుకున్నారు. రజనీకాంత్ మాస్ ఇమేజ్‌కు తగ్గ అంశాలు, కమల్ హాసన్ నిర్మాణ విలువలతో ఈ చిత్రం భారీ విజయాన్ని సాధించే అవకాశం ఉందని భావిస్తున్నారు.