ఎన్టీఆర్ ఫ్యాన్స్‌కు సర్‌ప్రైజ్.. ‘గాడ్ ఆఫ్ వార్’ టీజర్ రెడీ?

మ్యాన్ ఆఫ్ మాసెస్ ఎన్టీఆర్, దర్శకుడు త్రివిక్రమ్ శ్రీనివాస్ కాంబినేషన్‌లో తెరకెక్కుతున్న భారీ పాన్ ఇండియా ప్రాజెక్ట్ ‘గాడ్ ఆఫ్ వార్’పై భారీ అంచనాలు నెలకొన్నాయి. ఎన్టీఆర్ పుట్టినరోజు సందర్భంగా విడుదల కావాల్సిన కాన్సెప్ట్ టీజర్ చివరి నిమిషంలో వాయిదా పడగా, ఇప్పుడు దాన్ని జూన్ నెలలో విడుదల చేయడానికి మేకర్స్ సన్నాహాలు చేస్తున్నట్లు సమాచారం.

యుద్ధ దేవుడిగా భావించే కుమారస్వామి కథ ఆధారంగా ఈ సినిమా రూపొందుతోందని ఇండస్ట్రీలో టాక్ వినిపిస్తోంది. త్రివిక్రమ్ మార్క్ ఎమోషన్స్, ఎన్టీఆర్ పవర్‌ఫుల్ స్క్రీన్ ప్రెజెన్స్ ఈ ప్రాజెక్ట్‌ను మరో స్థాయికి తీసుకెళ్తాయని అభిమానులు ఆశిస్తున్నారు. సితార ఎంటర్‌టైన్‌మెంట్స్, ఫార్చూన్ ఫోర్ సినిమాస్ సంయుక్తంగా భారీ బడ్జెట్‌తో ఈ చిత్రాన్ని నిర్మిస్తున్నాయి.