సినిమాలు
6, అక్టోబర్ 2026, మంగళవారం
‘కరుప్పు’, ‘విశ్వనాథ్‌ అండ్‌ సన్స్‌’ చిత్రాలతో వరుస విజయాలు అందుకున్న సూర్య ఈ ఏడాది మూడో చిత్రంగా ‘సీన్’తో ప్రేక్షకుల ముందుకు రానున్నారు. జితు మాధవన్‌ దర్శకత్వంలో తెరకెక్కుతున్న ఈ చిత్రం నవంబర్‌ 6, 2026న థియేటర్లలో విడుదల కానుంది. విడుదలకు నెల రోజుల సమయం మాత్రమే ఉండటంతో అభిమానుల్లో సినిమా ప్రమోషన్స్‌పై ఆసక్తి పెరుగుతోంది.
ఇప్పటివరకు ‘సీన్’ టైటిల్‌ టీజర్‌ మినహా పెద్దగా ఎలాంటి ప్రమోషనల్‌ కంటెంట్‌ విడుదల కాలేదు. పాటలు, ఆన్‌లైన్‌, ఆఫ్‌లైన్‌ ప్రమోషన్స్ కూడా ప్రారంభం కాకపోవడంతో అసలు ప్రచార కార్యక్రమాలు ఎప్పుడు మొదలవుతాయనే చర్చ జరుగుతోంది. విడుదల తేదీకి సినిమా సిద్ధంగా ఉంటే, తక్కువ సమయంలో చిత్రంపై హైప్‌ను టీమ్‌ ఎలా పెంచుతుందనేది ఆసక్తికరంగా మారింది. ఇందులో సూర్య డీఎస్పీ ఇన్బరాజ్‌గా కనిపించనుండగా, నజ్రియా నజీమ్‌, నస్లెన్‌, ఆనంద్‌రాజ్‌, లాల్‌, జాన్‌ విజయ్‌ తదితరులు నటిస్తున్నారు. సంగీతాన్ని సుషిన్‌ శ్యామ్‌ అందిస్తుండగా, సూర్య, జ్యోతిక, జైశ్రీ దామోదరన్‌ నిర్మిస్తున్నారు.
కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!