‘వంద దేవుళ్లు’ నుంచి ‘ఇది కలనో’ మెలోడీ పాట విడుదల

విజయ్ ఆంటోని నటిస్తున్న ‘వంద దేవుళ్లు’ చిత్రానికి దర్శకుడు శశి. ‘బిచ్చగాడు’ విజయానంతరం ఈ కాంబినేషన్‌పై మంచి అంచనాలు ఏర్పడ్డాయి. ఈ చిత్రంలో స్వాసిక, అజయ్, కావ్య తదితరులు కీలక పాత్రలు పోషిస్తున్నారు. ఈ సినిమాను విజయ్ ఆంటోని ఫిల్మ్ కార్పొరేషన్ నిర్మిస్తోంది.

ఇటీవల ఈ సినిమా నుంచి ‘ఇది కలనో’ అనే మధుర గీతం విడుదలైంది. ఈ పాటలో విజయ్ ఆంటోని, స్వాసికల మధ్య ప్రేమను ఎంతో అందంగా చూపించారు. భాగ్యశ్రీ అందించిన సాహిత్యం, శిభి శ్రీనివాసన్, శిరీష భాగవతుల గాత్రం ఆకట్టుకునేలా ఉన్నాయి. బాలాజీ శ్రీరామ్ అందించిన సంగీతం శ్రోతలను మెప్పిస్తోంది. ఈ చిత్రాన్ని వేసవి కానుకగా వచ్చే నెలలో విడుదల చేయనున్నారు.