ఈ ఫాంటసీ మూవీపై ఇంత హైప్ ఎందుకు...

యువ నటుడు విరాట్ కర్ణ హీరోగా తెరకెక్కుతున్న “నాగబంధం” చిత్రంపై ప్రేక్షకుల్లో ఆసక్తి రోజురోజుకీ పెరుగుతోంది. నభా నటేష్, ఐశ్వర్య మీనన్ హీరోయిన్లుగా నటిస్తున్న ఈ చిత్రానికి అభిషేక్ నామ దర్శకత్వం వహిస్తున్నారు. జూలై 3న విడుదల కానున్న ఈ సినిమాపై ఇప్పటికే విడుదలైన ప్రమోషనల్ కంటెంట్ మంచి స్పందన తెచ్చుకోవడంతో అంచనాలు భారీగా పెరిగాయి.

ఇక తాజాగా ఈ చిత్రానికి సంబంధించిన నార్త్ ఇండియా థియేట్రికల్ హక్కులను ప్రముఖ సంస్థ జీ స్టూడియోస్ సొంతం చేసుకుంది. ఈ సంస్థ అన్ని భాషల్లోనూ సినిమాను ప్రజెంట్ చేయనుంది. కిషోర్ అన్నపురెడ్డి, నిషిత నాగిరెడ్డి నిర్మిస్తున్న ఈ సినిమాలో అనసూయ, మురళీ శర్మ, జగపతిబాబు, జయప్రకాశ్ కీలక పాత్రల్లో కనిపించనున్నారు. విజువల్స్, కథా నేపథ్యం కారణంగా ఈ సినిమాపై మంచి పాజిటివ్ బజ్ నెలకొంది.