ది ప్యారడైజ్‌లో హీరోయిన్ మార్పు… నాని సరసన కనిపించాల్సిన క్రేజీ బ్యూటీ తప్పుకున్నారా?

న్యాచురల్ స్టార్ నాని తన కెరీర్‌లో ఎప్పుడూ ఒకే తరహా సినిమాలకు పరిమితం కాకుండా, కంటెంట్‌కు ప్రాధాన్యత ఉన్న కథలతో ముందుకు సాగుతున్న నటుడు. వరుస విజయాలతో తనకంటూ ప్రత్యేకమైన గుర్తింపును తెచ్చుకున్న నాని, ప్రస్తుతం దర్శకుడు శ్రీకాంత్ ఓదెల తెరకెక్కిస్తున్న ది ప్యారడైజ్ చిత్రంలో నటిస్తున్నారు. దసరా వంటి బ్లాక్‌బస్టర్ తర్వాత వీరిద్దరి కాంబినేషన్ కావడంతో ఈ సినిమాపై భారీ అంచనాలు నెలకొన్నాయి.

1980ల నాటి సికింద్రాబాద్ మురికివాడల నేపథ్యంలో సాగే ఈ చిత్రం రా అండ్ రస్టిక్ పీరియాడిక్ యాక్షన్ డ్రామాగా రూపొందుతోంది. నాని ఇందులో పూర్తిగా మాస్ అవతారంలో కనిపించనున్నారని సమాచారం. దాదాపు ఎనిమిది భాషల్లో విడుదల చేయాలన్న యోచనతో మేకర్స్ ముందుకు వెళ్తుండటంతో ఈ ప్రాజెక్ట్‌కు మరింత బజ్ ఏర్పడింది.

ఇదిలా ఉండగా, ఈ చిత్రానికి సంబంధించి హీరోయిన్ విషయంలో ఆసక్తికరమైన చర్చ జరుగుతోంది. తొలుత నాని సరసన బాలీవుడ్ నటి జాన్వీ కపూర్‌ను ఎంపిక చేసినట్లు ప్రచారం జరిగింది. అయితే ఇప్పటికే పలు సినిమాలతో బిజీగా ఉండటంతో డేట్స్ కుదరక ఈ ప్రాజెక్ట్‌ను ఆమె వదులుకున్నట్లు సమాచారం. ప్రస్తుతం జాన్వీ రామ్ చరణ్ నటిస్తున్న పాన్ ఇండియా చిత్రంలో, అలాగే ఇతర హిందీ ప్రాజెక్ట్స్‌లో బిజీగా ఉన్నారు.

జాన్వీ తర్వాత ది ప్యారడైజ్ కోసం కయాదు లోహర్‌ను ఎంపిక చేసినట్లు టాక్ వినిపిస్తోంది. అయితే దీనిపై చిత్రయూనిట్ నుంచి ఇంకా అధికారిక ప్రకటన రావాల్సి ఉంది. హీరోయిన్ ఎవరనే అంశంపై క్లారిటీ రావడానికి అభిమానులు ఆసక్తిగా ఎదురుచూస్తున్నారు.