అన్నపూర్ణ, రామానాయుడు స్టూడియోలకు GHMC షాక్, నోటీసులు జారీ

స్టార్ హీరోలు నాగార్జున , వెంకటేష్ లకు చెందిన అన్నపూర్ణ, రామానాయుడు స్టూడియో లకు GHMC షాక్ ఇచ్చింది. ఈ రెండు స్టూడియో లు ట్రేడ్ లైసెన్స్ ఫీజు తక్కువ చెల్లిస్తున్నట్లు అధికారులు తనిఖీ లో వెల్లడయ్యింది. వ్యాపార విస్తీర్ణం తక్కువ చూపిస్తూ భారీగా పన్నుల ఎగవేసినట్లు అధికారులు గుర్తించారు. మొత్తం రూ.11.52 లక్షలు చెల్లించాల్సి ఉండగా కేవలం రూ.49వేలు మాత్రమే అన్నపూర్ణ స్టూడియో చెల్లిస్తుందని నోటీసులో పేర్కొన్నారు.

మొత్తం రూ.1.92లక్షలకు కేవలం రూ.1,900 మాత్రమే రామానాయుడు స్టూడియో చెల్లిస్తుందని అధికారులు స్పష్టం చేశారు.

పూర్తి స్థాయిలో ట్రేడ్ లైసెన్స్ ఫీజు చెల్లించాని శుక్రవారం ఈ రెండు స్టూడియో లకు నోటీసులు జారీ చేశారు. కాగా GHMC నోటీసులు పై నాగార్జున, వెంకటేష్ లు ఎలా రియాక్ట్ అవుతారన్న అంశం ఇప్పుడు తెలుగు సినిమా పరిశ్రమ లో హాట్ టాపిక్ గా మారింది.