‘విశ్వనాథ్ అండ్ సన్స్’ నుంచి ఫస్ట్ సాంగ్ ప్రోమో విడుదల

కోలీవుడ్ స్టార్ హీరో సూర్య, మమితా బైజూ జంటగా నటిస్తున్న మోస్ట్ అవేటెడ్ ఫ్యామిలీ ఎంటర్‌టైనర్ విశ్వనాథ్ అండ్ సన్స్ నుంచి తొలి పాట ‘నేనో బటర్‌ఫ్లై’ ప్రోమో విడుదలైంది. దర్శకుడు వెంకీ అట్లూరి తెరకెక్కిస్తున్న ఈ చిత్రానికి జి.వి. ప్రకాష్ కుమార్ సంగీతం అందించారు. ఈ మెలోడీ గీతానికి రామజోగయ్య శాస్త్రి సాహిత్యం రాయగా, సుబ్లాషిని ఆలపించారు.

ప్రేమలోని మధురమైన అనుభూతులను ప్రతిబింబించే ఈ పాట ప్రేక్షకులను ఆకట్టుకునేలా ఉంది. పూర్తి పాటను జూన్ 19న విడుదల చేయనున్నారు. సితార ఎంటర్‌టైన్‌మెంట్స్, ఫార్చ్యూన్ ఫోర్ సినిమాస్ బ్యానర్లపై సూర్యదేవర నాగవంశీ, సాయి సౌజన్య నిర్మిస్తున్న ఈ భారీ చిత్రం ఆగస్టు 14న ప్రపంచవ్యాప్తంగా గ్రాండ్‌గా విడుదల కానుంది.