కమల్–రజనీ సినిమా నుంచి డైరెక్టర్ యూటర్న్! వెనకాడిన అసలు కారణం ఏమిటి?

సౌత్ ఫిల్మ్ ఇండస్ట్రీలో బిగ్ స్టార్స్ అంటే కమల్ హాసన్, రజనీకాంత్ పేర్లు ముందే వస్తాయి. అలాంటి వీరిద్దరూ చాలా ఏళ్ల తర్వాత కలిసి సినిమా చేస్తున్నారనే వార్త బయటికి వచ్చిన వెంటనే ఇండస్ట్రీ మొత్తం షాక్ అయ్యింది.
కమల్ నిర్మాతగా, రజనీ హీరోగా, సుందర్ సీ దర్శకత్వంలో భారీ సినిమా ఫిక్స్ అయ్యింది. వాళ్ల ముగ్గురు కలిసి దిగిన ఫోటోలు కూడా బయటికి రావడంతో హైప్ మరింత పెరిగింది. ప్రీ-ప్రొడక్షన్ స్టేజ్‌లో ఉన్న ఈ ప్రాజెక్ట్ అకస్మాత్తుగా షాకింగ్ ట్విస్ట్ చూసింది. అంటే-- డైరెక్టర్ సుందర్ సీ ఈ ప్రాజెక్ట్ నుంచి యూటర్న్ తీసుకున్నారు.

దాంతో "ఏం జరిగింది?", "ఎందుకు తప్పుకుంటున్నారు?" అనే ప్రశ్నలు సోషల్ మీడియాలో పేలాయి. సుందర్ సీ స్వయంగా సోషల్ మీడియాలో ఒక ఎమోషనల్ నోట్‌ షేర్ చేస్తూ ఇలా చెప్పారు: “భారమైన హృదయంతో చెబుతున్నా--అనివార్య కారణాల వల్ల ‘తలైవర్ 173’ ప్రాజెక్ట్ నుంచి తప్పుకుంటున్నాను. సూపర్‌స్టార్ రజనీకాంత్, కమల్ హాసన్ గారు నన్ను పరిగణలోకి తీసుకున్నందుకు హృదయపూర్వక కృతజ్ఞతలు. ఈ ప్రాజెక్ట్ నుంచి బయటకు వచ్చినా, ఆ ఇద్దరితో ఉన్న అనుబంధం మాత్రం ఎప్పటికీ అలాగే ఉంటుంది.” అంతే కాదు, “వాళ్లతో గడిపిన కొన్ని రోజులు నా జీవితంలో ఎప్పటికీ మర్చిపోలేని ప్రత్యేకమైన క్షణాలు” అని కూడా రాసుకొచ్చాడు. ఈ యూటర్న్ వెనక అసలు లోగుట్టేంటి? ఇంకా అధికారిక క్లారిటీ రావాల్సి ఉంది. అయితే ఈ ఒక్క ప్రకటనతోనే సినిమా చుట్టూ కొత్త ఆసక్తి పెరిగిపోయింది.