ఊరి జీవితంలో దాగి ఉన్న చీకటి నిజాలు… ‘రాయవలస’ ఫస్ట్ లుక్ రిలీజ్!

రేసన్ ప్రొడక్షన్స్ బ్యానర్‌పై గోపీ కృష్ణ జ నిర్మాణంలో, రాధిక జయంతి దర్శకత్వంలో రూపొందుతున్న ‘రాయవలస’ సినిమా ఫస్ట్ లుక్ విడుదలైంది. గ్రామీణ నేపథ్యంలో, నిజ జీవిత సంఘటనల ఆధారంగా తెరకెక్కిన ఈ సినిమా భావోద్వేగభరితమైన కథతో ప్రేక్షకులను ఆకట్టుకునేందుకు సిద్ధంగా ఉంది. డెబ్యూ నిర్మాత అయినప్పటికీ గోపీ కృష్ణ జ చాలా ప్లాన్ చేసి, నిబద్ధతతో ఈ సినిమాను పూర్తి చేశారు. అమెరికా నుంచి వచ్చిన దర్శకురాలు రాధిక జయంతి గ్లోబల్ స్టైల్‌ను, స్థానికతను కలిపి ఈ సినిమాను ప్రత్యేకంగా తీర్చిదిద్దారు. సినిమాటోగ్రాఫర్ కిట్టు తీసిన విజువల్స్, రాఖీ రాసిన కథ ఈ సినిమాకు ప్రధాన ఆకర్షణగా నిలుస్తాయి.

కార్తిక్ జయంతి ఈ సినిమాతో హీరోగా పరిచయమవుతున్నారు. ఆయన ఇంటెన్స్ లుక్ ఇప్పటికే మంచి స్పందన తెచ్చుకుంది. అమెరికాలో పెరిగిన కార్తిక్ సింగర్‌గా, నటుడిగా, రైటర్‌గా, లిరిసిస్ట్‌గా, డ్యాన్సర్‌గా తన ప్రతిభను చూపించారు. “విధి కట్టిన ప్రేమ” అనే ట్యాగ్‌లైన్ కథలోని భావాన్ని బాగా చూపిస్తోంది. రైస్ మిల్ యజమాని రాజు జీవితంలో హీరోయిన్ రావడంతో జరిగే మార్పుల చుట్టూ ఈ కథ తిరుగుతుంది. శ్రీషా నూలు హీరోయిన్‌గా నటిస్తుండగా, అన్నపూర్ణమ్మ, అనిత చౌదరి, జయప్రకాశ్, రవి వర్మ, కాశీ విశ్వనాథ్ వంటి సీనియర్ నటులు కూడా ముఖ్య పాత్రల్లో కనిపిస్తారు. ఫస్ట్ లుక్‌తోనే ఈ సినిమా మంచి అంచనాలు సృష్టించింది.