‘బ్యాండ్ మేళం’ కచ్చితంగా బ్లాక్ బస్టర్ హిట్ అవుతుంది.. గ్లింప్స్ లాంచ్ ఈవెంట్‌లో డైరెక్టర్ బాబీ...

బ్యాండ్ మేళం చిత్ర గ్లింప్స్ వాలెంటైన్స్ డే సందర్భంగా విడుదలై మంచి స్పందన పొందింది. కోన వెంకట్ నిర్మించిన ఈ సినిమాకు సతీష్ జవ్వాజీ దర్శకత్వం వహించగా హర్ష్ రోషన్, శ్రీదేవి జంటగా నటించారు. వచ్చే నెల (మార్చి) 13 న సినిమా విడుదల కానుంది. గ్లింప్స్‌ను త్రివిక్రమ్ శ్రీనివాస్ విడుదల చేయగా, ఈవెంట్‌కు కె.ఎస్. రవీంద్ర (బాబీ) మరియు బీవీఎస్ రవి ముఖ్య అతిథులుగా హాజరయ్యారు.

ఈ సందర్భంగా బాబీ మాట్లాడుతూ సినిమా ఖచ్చితంగా బ్లాక్‌బస్టర్ అవుతుందని, హీరో రోషన్ భవిష్యత్తులో పెద్ద స్టార్ అవుతాడని అన్నారు. కోన వెంకట్ మంచి కథ ఉంటేనే సినిమా తీస్తానని, ఈ కథ విన్న వెంటనే ఈ సినిమా చేయాలని నిర్ణయించుకున్నానని చెప్పారు. బీవీఎస్ రవి సినిమా చూసి దర్శకుడి పనితనం, విజువల్స్, మ్యూజిక్ అన్నీ ఆకట్టుకున్నాయని తెలిపారు.

హర్ష్ రోషన్, శ్రీదేవి ఈ సినిమా తమకు ప్రత్యేకమని చెప్పారు. సంగీత దర్శకుడు విజయ్ బుల్గానిన్ మంచి పాటలు ఇచ్చారని చిత్రబృందం తెలిపింది. ప్రతీ సన్నివేశాన్ని భావోద్వేగంతో తెరకెక్కించామని దర్శకుడు అన్నారు. మొత్తంగా వచ్చే నెల (మార్చి) 13 న ప్రేక్షకుల ముందుకు రానున్న ఈ సినిమా పెద్ద హిట్ అవుతుందని అందరూ ఆశాభావం వ్యక్తం చేశారు.