రామాయణంపై అనిల్ రావిపూడి కొత్త ప్రయోగం

సంక్రాంతి సీజన్‌లో వరుస విజయాలతో పేరు తెచ్చుకున్న దర్శకుడు అనిల్ రావిపూడి ఇప్పుడు కొత్త దారిలో అడుగులు వేయనున్నట్లు సమాచారం. ఆయన రామాయణం ఆధారంగా ఒక యానిమేషన్ చిత్రాన్ని తెరకెక్కించేందుకు సిద్ధమవుతున్నారని సినీ వర్గాల్లో చర్చ జరుగుతోంది. కెవిఎన్ సంస్థ నిర్మాణంలో ఈ సినిమా భారీ స్థాయిలో రూపొందనున్నట్లు తెలుస్తోంది.

ఇప్పటివరకు ఒకే విధమైన కథలపై విమర్శలు ఎదుర్కొన్న అనిల్ రావిపూడి ఇప్పుడు కొత్త విషయాలను ప్రయత్నించాలని భావిస్తున్నట్లు తెలుస్తోంది. రామాయణ కథను తన ప్రత్యేక శైలిలో చూపిస్తూ కూడా అసలు సారాన్ని కాపాడేలా తీసుకురావాలని ఆయన యోచిస్తున్నారని సమాచారం. యానిమేషన్ రూపంలో ఈ కథ వస్తే ప్రేక్షకులకు కొత్త అనుభూతిని అందించే అవకాశం ఉంది.