ఎన్టీఆర్ సినిమా రిలీజ్‌కు ముందే పెద్ద చర్చ.. ఏం జరిగింది?

మ్యాన్ ఆఫ్ మాసెస్ ఎన్టీఆర్ నటిస్తున్న భారీ పాన్ ఇండియా చిత్రం ‘గాడ్ ఆఫ్ వార్’ ప్రకటన సోషల్ మీడియాలో విస్తృత చర్చకు దారితీసింది. ముఖ్యంగా తమిళ ప్రేక్షకుల్లో ఈ సినిమాపై పెద్ద ఎత్తున చర్చ కొనసాగుతోంది. చిత్రబృందం విడుదల చేసిన పోస్టర్‌లో కుమారస్వామిని ఉత్తర భారత మూలాలు కలిగిన దేవుడిగా, దక్షిణాదిలో విస్తృతంగా ఆరాధించబడే దైవంగా పేర్కొనడం కొందరు నెటిజన్లను స్పందించేలా చేసింది.

తమిళనాడులో కుమారస్వామి (మురుగన్)కు ప్రత్యేక స్థానం ఉందని పలువురు సోషల్ మీడియా వినియోగదారులు అభిప్రాయపడుతుండగా, మరికొందరు హిందూ పురాణాల ప్రకారం ఆయన మహాశివుడి కుమారుడని, శివుడి నివాసంగా హిమాలయాలు చెప్పబడటంతో చిత్రబృందం పేర్కొన్న విషయాన్ని కూడా విస్మరించలేమని వాదిస్తున్నారు. ఈ అంశంపై భిన్నాభిప్రాయాలు వ్యక్తమవుతుండగా, చిత్రబృందం నుంచి ఇప్పటివరకు ఎలాంటి అధికారిక స్పందన రాలేదు.