రజినీకాంత్ సినిమాలో బసిల్ జోసెఫ్....

మిన్నల్ మురళి, పోన్‌మ్యాన్ వంటి చిత్రాలతో గుర్తింపు పొందిన మలయాళ నటుడు బసిల్ జోసెఫ్, రజినీకాంత్ హీరోగా తెరకెక్కనున్న ‘తలైవా 173’ సినిమాలో కీలక పాత్రలో నటించే అవకాశం ఉందని కోలీవుడ్‌లో వార్తలు వినిపిస్తున్నాయి. ఇటీవల ఓ కార్యక్రమంలో పాల్గొన్న బసిల్, తమిళంలో ఒక పెద్ద ప్రాజెక్ట్‌లో భాగమవుతున్నానని చెప్పడం ఈ వార్తలకు బలం చేకూర్చింది. త్వరలో అధికారిక ప్రకటన ఉండొచ్చని తెలిపారు.

ఈ సినిమాలో బసిల్, రజినీకాంత్ కుమారుడి పాత్రలో కనిపించే అవకాశం ఉందని సమాచారం. ఈ చిత్రాన్ని కమల్ హాసన్ నిర్మిస్తుండగా, ‘డాన్’ ఫేమ్ శిబి చక్రవర్తి దర్శకత్వం వహించనున్నారు. దర్శకుడిగానూ గుర్తింపు పొందిన బసిల్, భవిష్యత్తులో అల్లు అర్జున్తో సూపర్ హీరో ప్రాజెక్ట్ చేయాలనుకుంటున్నట్లు వార్తలు వచ్చాయి. ప్రస్తుతం ఆయన నటించిన తమిళ చిత్రం రావడి విడుదలకు సిద్ధంగా ఉంది.