అనిల్ రావిపూడి మాస్టర్ ప్లాన్.. అక్కినేని - దగ్గుబాటి హీరోలతో నెక్ట్స్ మూవీస్?

టాలీవుడ్‌లో ప్రస్తుతం ఫుల్ ఫామ్‌లో ఉన్న దర్శకుడు అనిల్ రావిపూడి. మెగాస్టార్ చిరంజీవితో తెరకెక్కిన మన శంకర వరప్రసాద్ గారు సినిమా భారీ విజయాన్ని అందుకుని, ప్రపంచవ్యాప్తంగా రూ.300 కోట్లకు పైగా వసూళ్లు సాధించింది. సంక్రాంతి కానుకగా విడుదలైన ఈ చిత్రం బాక్సాఫీస్ వద్ద సూపర్ స్ట్రాంగ్ కలెక్షన్లతో దూసుకెళ్లింది. ఈ విజయంతో అనిల్ రావిపూడి మరోసారి తన సత్తాను నిరూపించుకున్నారు. వరుసగా తొమ్మిది సినిమాలకు తొమ్మిది హిట్లు ఇచ్చిన దర్శకుడిగా ఆయన టాలీవుడ్‌లో మోస్ట్ వాంటెడ్ డైరెక్టర్‌గా మారారు.

ఈ నేపథ్యంలో అనిల్ రావిపూడి నెక్స్ట్ సినిమా ఏ హీరోతో అన్నది ఆసక్తికరంగా మారింది. తొలుత కింగ్ నాగార్జునతో సినిమా ఉంటుందనే ప్రచారం జరిగింది. అయితే లేటెస్ట్ బజ్ ప్రకారం, అక్కినేని వారసుడు అఖిల్ అక్కినేనితో ఓ పవర్‌ఫుల్ కమర్షియల్ మూవీ ప్లాన్ చేస్తున్నారట. ‘ఏజెంట్’ తర్వాత మంచి హిట్ కోసం ఎదురుచూస్తున్న అఖిల్‌ను మాస్ ఆడియన్స్‌కు బలంగా కనెక్ట్ అయ్యేలా ప్రెజెంట్ చేయాలన్నది అనిల్ ప్లాన్‌గా వినిపిస్తోంది.

మరోవైపు, అనిల్ రావిపూడి తన ఫేవరెట్ హీరో వెంకటేష్ దగ్గుబాటితో మరో సినిమాను కూడా ప్లాన్ చేస్తున్నారనే టాక్ ఉంది. ఈ ప్రాజెక్ట్‌లో రానా దగ్గుబాటి కీలక పాత్రలో కనిపించవచ్చని సమాచారం. ఇటీవల ఇంటర్వ్యూలో మాట్లాడిన అనిల్, తన 10వ సినిమా కథ, టైటిల్ పూర్తిగా రెడీ అని, అయితే టైటిల్ మాత్రం ఇప్పుడే రివీల్ చేయబోనని చెప్పారు. చిరంజీవితో బ్లాక్‌బస్టర్ తర్వాత అనిల్ ప్లాన్ చేస్తున్న ఈ అక్కినేని – దగ్గుబాటి ప్రాజెక్టులు టాలీవుడ్‌లో హాట్ టాపిక్‌గా మారాయి.