సర్పంచ్ లకు ట్రైనింగ్ ఇవ్వనున్న తెలంగాణ ప్రభుత్వం

తెలంగాణలో సర్పంచ్‌లు, పంచాయతీ కార్యదర్శులు మరియు పంచాయతీ రాజ్, గ్రామీణాభివృద్ధి శాఖ సిబ్బందికి మూడు రోజుల శిక్షణ కార్యక్రమం నేటి నుంచి ప్రారంభమైంది. ప్రతి రోజు 10 జిల్లాల్లో అదనపు కలెక్టర్లు (లోకల్ బాడీస్) ఆధ్వర్యంలో ఈ శిక్షణలు నిర్వహించనున్నారు. గ్రామాల సమగ్ర అభివృద్ధి ప్రణాళిక రూపకల్పన లక్ష్యంగా ఈ కార్యక్రమం చేపట్టబడింది.

ఈ శిక్షణలో 16వ ఆర్థిక సంఘం నిధుల వినియోగం, వీబీజీ, ఆర్జీ పథకాలు, పచ్చదనం-స్వచ్ఛదనం, అభివృద్ధి పనుల పురోగతి వంటి అంశాలపై అధికారులు అవగాహన కల్పించనున్నారు. మహబూబాబాద్‌లో మంత్రి సీతక్క, స్పెషల్ చీఫ్ సెక్రటరీ దానకిషోర్ ఈ కార్యక్రమాన్ని ప్రారంభించనున్నారు. సర్పంచ్‌లు, పంచాయతీ కార్యదర్శులు మరియు సిబ్బందికి మంత్రి సీతక్క దిశానిర్దేశం చేయనున్నారు.