ట్యాంక్బండ్ వద్ద ఓపెన్ ఎయిర్ పార్టీ జోన్

ఐమాక్స్ థియేటర్ ఎదురుగా ఉన్న లేక్ వ్యూ పార్కులో ట్యాంక్‌బండ్ వద్ద త్వరలో ఓపెన్ ఎయిర్ పార్టీ జోన్ ఏర్పాటు చేయనున్నారు. సుమారు ₹1.19 కోట్ల వ్యయంతో ఈ ప్రాజెక్టును ఆధునికంగా అభివృద్ధి చేయనున్నారు.

ఇక్కడ విశాలమైన స్టేజ్, గ్రీన్ రూమ్స్, ఆధునిక టాయిలెట్ బ్లాక్స్‌తో పాటు రక్షణ గోడను కూడా నిర్మించనున్నారు. హైదరాబాద్ నగరవాసులు సాంస్కృతిక కార్యక్రమాలు, వేడుకలు నిర్వహించేందుకు అనువుగా హెచ్ఎండిఏ నాలుగు నెలల్లో ఈ ప్రాజెక్టును పూర్తి చేయనుంది.