ఏఐసీసీ ప్రెసిడెంట్‌తో మంత్రి కొండా సురేఖ భేటీ

తెలంగాణ మంత్రి కొండా సురేఖ బెంగళూరులో ఏఐసీసీ అధ్యక్షుడు మల్లికార్జున ఖర్గేతో కీలక భేటీ నిర్వహించారు. రాష్ట్రంలో ప్రస్తుతం నెలకొన్న రాజకీయ పరిణామాలు, ఇటీవల చోటుచేసుకున్న వివాదాలపై ఇరువురు చర్చించినట్లు సమాచారం. సుమారు గంటపాటు ఈ సమావేశం కొనసాగినట్లు తెలుస్తోంది.

ముఖ్యమంత్రి రేవంత్ రెడ్డి లండన్ పర్యటన ముగించుకుని మరికొద్ది గంటల్లో హైదరాబాద్‌కు చేరుకోనున్న సమయంలోనే కొండా సురేఖ, ఖర్గే భేటీ కావడం రాజకీయంగా ప్రాధాన్యత సంతరించుకుంది. అయితే సమావేశంలో ఏ అంశాలపై చర్చించారనే దానిపై అధికారికంగా ఎలాంటి వివరాలు వెల్లడికాలేదు. దీంతో తెలంగాణ కాంగ్రెస్‌లో ఈ భేటీపై చర్చ జరుగుతోంది. ఖర్గేతో సురేఖ సమావేశం పార్టీకి సంబంధించి కీలక పరిణామాలకు సంకేతమా అనే అంశంపై రాజకీయ వర్గాల్లో ఆసక్తి నెలకొంది.