ప్రజా భవన్‌లో రేవంత్‌రెడ్డి, భట్టి విక్రమార్క ఆధ్వర్యంలో కీలక భేటీ

తెలంగాణ ముఖ్యమంత్రి రేవంత్‌రెడ్డి, ఉప ముఖ్యమంత్రి భట్టి విక్రమార్క ఆధ్వర్యంలో ఈ నెల 23వ తేదీ శుక్రవారం సాయంత్రం 4.30 గంటలకు హైదరాబాద్‌లోని ప్రజా భవన్‌లో కీలక సమావేశం జరగనుంది. ఈ సమావేశానికి పీసీసీ అధ్యక్షుడు మహేష్ కుమార్ గౌడ్‌తో పాటు మంత్రులు, ప్రభుత్వ సలహాదారులు, ఎంపీలు, ఎమ్మెల్సీలు, ఎమ్మెల్యేలు, డీసీసీ అధ్యక్షులు హాజరుకానున్నారు.

ఈ సమావేశంలో రాష్ట్రంపై ఎల్‌నినో ప్రభావం, ఎమ్మెల్సీ ఎన్నికలు, హైదరాబాద్‌లో నిర్వహించనున్న సభతో పాటు ఇతర కీలక అంశాలపై చర్చించనున్నట్లు సమాచారం. రాష్ట్రంలో ప్రస్తుత పరిస్థితులు, పార్టీ పరంగా చేపట్టాల్సిన కార్యక్రమాలు, భవిష్యత్ కార్యాచరణపై నేతలు సమీక్షించే అవకాశం ఉంది.