భారత్‌ ఇన్నోవేషన్‌కు ప్రపంచ దేశాలు ఫిదా.. బ్రిక్స్‌లో 37 అత్యాధునిక ఆవిష్కరణలు!

బ్రిక్స్‌ వేదికగా భారత్‌ తన ఇన్నోవేషన్‌ సామర్థ్యాన్ని ప్రపంచానికి చాటిచెప్పింది. క్యాన్సర్‌ స్క్రీనింగ్‌, ఆరోగ్య రంగంలోని సాంకేతిక పరిష్కారాల నుంచి మెరైన్‌ రోబోటిక్స్‌ వరకు మొత్తం 37 అత్యాధునిక ఆవిష్కరణలను ప్రదర్శించింది. పరిశోధన, సాంకేతికత, స్టార్టప్‌ రంగాల్లో భారత్‌ సాధిస్తున్న పురోగతిని ఈ ప్రదర్శన ప్రతిబింబించింది.

రెసిలియెన్స్‌, ఇన్నోవేషన్‌, కోఆపరేషన్‌, సస్టెయినబిలిటీ అనే ప్రధాన థీమ్‌లకు అనుగుణంగా ఈ ప్రదర్శనను నిర్వహించారు. భారతీయ స్టార్టప్‌లకు ప్రపంచ మార్కెట్లలో అవకాశాలు కల్పించడం, అంతర్జాతీయ భాగస్వామ్యాలకు మార్గం సుగమం చేయడం దీని ముఖ్య ఉద్దేశం. బ్రిక్స్‌ బిజినెస్‌ ఫోరంతో అనుసంధానం ద్వారా భారత ఆవిష్కర్తలు, స్టార్టప్‌లకు అంతర్జాతీయ వ్యాపార వర్గాలతో నేరుగా కలిసే అవకాశం లభించనుంది.