కాకినాడలో భారీ వర్షం.. నగరం జలమయం !

కాకినాడ నగరంలో ఎడతెరిపి లేకుండా భారీ వర్షం కురిసింది. ఉరుములు, మెరుపులతో కూడిన వర్షం కారణంగా లోతట్టు ప్రాంతాలు పూర్తిగా జలమయం అయ్యాయి. ప్రధాన రహదారులన్నీ నీటితో నిండిపోవడంతో వాహనదారులు తీవ్ర ఇబ్బందులు ఎదుర్కొన్నారు.

స్మార్ట్ సిటీగా చెప్పుకునే కాకినాడలో డ్రైనేజీ వ్యవస్థ లోపాలు బయటపడ్డాయి. అండర్ గ్రౌండ్ డ్రైనేజీ లేకపోవడంతో వర్షపు నీరు రహదారులపై నిలిచిపోయింది. నగరంలో రవాణా వ్యవస్థ పూర్తిగా దెబ్బతింది.