మాజీ ఖైదీని పెళ్లాడిన మహిళా జైలర్

మధ్యప్రదేశ్‌లోని సత్నా జైలులో చోటు చేసుకున్న ఒక విభిన్న ప్రేమకథ ఇప్పుడు దేశవ్యాప్తంగా వైరల్‌గా మారింది. 2007 హత్య కేసులో జీవిత ఖైదు అనుభవించిన ధర్మేంద్రకు, అదే జైలులో విధులు నిర్వహించిన జైలర్ ఫిరోజాకు పరిచయం ఏర్పడింది. ఆ పరిచయం క్రమంగా ప్రేమగా మారి, చివరకు వివాహ బంధానికి దారితీసింది.

సుమారు 14 ఏళ్ల తర్వాత సత్ప్రవర్తన కారణంగా ధర్మేంద్ర విడుదలయ్యాడు. ఈ నెల 5న ఇద్దరూ వివాహ బంధంలోకి అడుగుపెట్టారు. మత భేదాల కారణంగా ఫిరోజా కుటుంబం ఈ వివాహాన్ని వ్యతిరేకించినప్పటికీ, వీఎచ్పీ నేతల సమక్షంలో వివాహం జరిగినట్లు సమాచారం. ఈ జైలు ప్రేమకథ ఇప్పుడు సోషల్ మీడియాలో హాట్ టాపిక్‌గా మారింది.