చండీగఢ్‌లో హైదరాబాద్‌-శ్రీనగర్‌ ఇండిగో విమానం అత్యవసర ల్యాండింగ్‌

హైదరాబాద్ నుంచి శ్రీనగర్‌కు వెళ్తున్న ఇండిగో విమానం ల్యాండింగ్ సమస్యల కారణంగా శ్రీనగర్లో దిగలేక చండీగఢ్కు మళ్లించబడింది. ఈ విమానంలో మొత్తం 231 మంది ప్రయాణికులు ఉండగా, అందులో హైదరాబాద్‌కు చెందిన అమర్‌నాథ్ యాత్రికులు కూడా ఉన్నారు. ఈ అకస్మాత్తు మార్పు ప్రయాణికులకు అసౌకర్యాన్ని కలిగించింది.

గంటల తరబడి ప్రయాణికులు విమానంలోనే ఉండాల్సి వచ్చినట్లు సమాచారం. ఇండిగో సంస్థ నుంచి సరైన సమాచారం అందకపోవడంతో వారు అసంతృప్తి వ్యక్తం చేశారు. ప్రత్యేక హెలికాప్టర్ ద్వారా హైదరాబాద్‌కు పంపించాలని ప్రయాణికులు విజ్ఞప్తి చేశారు. ఈ ఘటనపై విమానయాన సంస్థ తీరుపై విమర్శలు వెల్లువెత్తుతున్నాయి.