ఢిల్లీలో కొత్త లిక్కర్ బుకింగ్ యాప్..

మద్యం కొనుగోళ్లలో పారదర్శకతను పెంచడం, రిటైల్ దుకాణాల వద్ద రద్దీని తగ్గించడం లక్ష్యంగా ఢిల్లీ ప్రభుత్వం డిజిటల్ బుకింగ్ విధానాన్ని ప్రోత్సహిస్తోంది. అందుబాటులో ఉన్న సమాచారం ప్రకారం, ఢిల్లీ స్టేట్ ఇండస్ట్రియల్ అండ్ ఇన్‌ఫ్రాస్ట్రక్చర్ డెవలప్‌మెంట్ కార్పొరేషన్ (DSIIDC) ఆధ్వర్యంలో నడుస్తున్న 208 దుకాణాల్లో ఈ సదుపాయం అందుబాటులో ఉంది. ఈ యాప్ ద్వారా వినియోగదారులు మద్యం నిల్వలను ముందుగానే పరిశీలించి, ఆన్‌లైన్‌లో ఆర్డర్ చేయవచ్చు. దీనివల్ల దుకాణాల వద్ద వేచి ఉండే సమయం తగ్గే అవకాశం ఉంది.

అయితే, ఈ యాప్ ద్వారా హోమ్ డెలివరీ సదుపాయం అందుబాటులో ఉండదు. ఆన్‌లైన్‌లో చెల్లింపు చేసిన తర్వాత 48 గంటల్లోగా ఎంపిక చేసుకున్న దుకాణానికి వెళ్లి ఆర్డర్‌ను సేకరించాలి. ఈ సేవ 25 ఏళ్లు పైబడిన వారికి మాత్రమే పరిమితమని సమాచారం. డిజిటల్ బుకింగ్ విధానం కొనుగోళ్లను సులభతరం చేయడమే లక్ష్యంగా పనిచేస్తున్నప్పటికీ, వినియోగదారులు వయోపరిమితి, ఆర్డర్ సేకరణ నిబంధనలను పాటించాలి.