భారీ వర్షాల నేపథ్యంలో సీఎం రేవంత్ రెడ్డి కీలక ఆదేశాలు

భారీ వర్షాల నేపథ్యంలో తెలంగాణ ముఖ్యమంత్రి రేవంత్ రెడ్డి అధికారులకు కీలక ఆదేశాలు జారీ చేశారు. హైదరాబాద్ కోర్ అర్బన్ రీజియన్ పరిధిలో హై అలర్ట్ కొనసాగించాలని సూచించారు. పోలీస్, ట్రాఫిక్ పోలీస్, మున్సిపల్, హైడ్రా, విద్యుత్, వాటర్ బోర్డ్ తదితర శాఖలు సమన్వయంతో పనిచేయాలని ఆదేశించారు.

చీఫ్ సెక్రటరీ, డీజీపీ, కోర్ అర్బన్ రీజియన్ స్పెషల్ సీఎస్ సహా ఉన్నతాధికారులతో అత్యవసర సమీక్ష నిర్వహించిన సీఎం, యుద్ధ ప్రాతిపదికన చర్యలు తీసుకోవాలని సూచించారు. వర్ష సూచనల ఆధారంగా నీరు నిలిచే ప్రాంతాల్లో ముందుగానే బృందాలను మోహరించి ప్రజలకు ఇబ్బందులు లేకుండా చూడాలని ఆదేశించారు.